அம்மாவாகிறார் சினேகா!

தமிழில் இருந்து பாலிவுட்டுக்கு போகும் நடிகைகளின் வரிசை அதிகரித்து கொண்டே போகிறது. த்ரிஷா, நயன்தாரா, ஸ்ரேயா, ப்ரியாமணி, ஆகியோரை தொடர்ந்து இப்போது நடிகை ‌சினேகாவும் இவர்கள் வரிசையில் சேர்ந்துள்ளார். தமிழில் ஆனந்தம், புன்னகை தேசம், ஏப்ரல் மாதத்தில், வசீகரா, பவானி உள்ளிட்ட பல படங்களில் நடித்தவர் நடிகை சினேகா. தமிழ், தெலுங்கு, மலையாளம், கன்னடம் என்று நான்கு மொழியிலும் நடித்துள்ள சினேகா இப்போது இந்தியிலும் நடிக்க போகிறார். டைரக்டர் ரேவதி வர்மா இயக்கப்போகும் “மேட் டாட்” என்ற படத்தில் நஸ்ருதீன் ஷாவின் மனைவியாகவும், ஆயிஷா தாகியாவின் அம்மாவும் நடிக்கிறார். படம்குறித்து டைரக்டர் ரேவதி வர்மா கூறுகையில் இந்தபடத்தில் சினேகாவின் கேரக்டர் 1980களில் வாழ்ந்தது போன்று உருவாக்கப்பட இருக்கிறது. இந்தகேரக்டருக்கு சினேகாதான் பொறுத்தமானவர் என்பதால் அவரை தேர்வு செய்தேன். முன்னதாக ராமாயணம் படத்தில் சீதாவாக சினேகாதான் நடிப்பதாக இருந்தது. ஆனால் சில காரணங்களால் அவர் நடிக்க முடியாமல் போய்விட்டது என்றார். படத்தில் நடிப்பதுகுறித்து சினேகா கூறியதாவது, ரேவதி வர்மா சொல்வது உண்மைதான். ராமாயணம் படத்திலே நான் இந்தியில் நடிப்பதாக இருந்தது. இதுதொடர்பாக ராஜ்குமார் சந்தோஷி என்னிடம் அனுகினார். ஆனால் சில பல காரணங்களால் நடிக்க முடியவில்லை. இப்‌போது “மேட் டாட்” படத்தின் மூலம் இந்தியில் அறிமுகமாக இருக்கிறேன். எந்த மொழியில் நடித்தாலும் நல்ல கதையம்சம் உள்ள படங்களை தேர்வு செய்து நடிக்கிறேன். அதுபோல இந்தபடம் எனக்கு இந்தியில் ஒரு நல்ல இடத்தை பெற்று தரும் என்கிறார். இதுவரை தென்இந்திய மொழி படங்களில் ஹீரோயினாக மட்டுமே நடித்து வந்த சினேகா, இப்போது முதன்முறையாக இந்தியில் அம்மா கேரக்டரில் நடிக்கபோகிறார் என்பது குறிப்பிடத்தக்கது.

நடுநிசி நாய்களை கண்டு ஓட்டம்.

சமீபத்தில் இண்டோ-சைனா கொலாப்ரேஷனில் படங்கள் எடுக்கலாம் என்ற முடிவோடு சென்னைக்கு வந்திருந்தது ஒரு திரைப்பட ஆர்வக்குழு. இங்குள்ள மிக முக்கியமான தமிழ்ப்பட இயக்குனர்களை அழைத்து அவர்களுக்கு முதல் பிரதி அடிப்படையில் பணத்தை கொடுத்து படம் தயாரிப்பது தான் அந்த குழுவின் நோக்கம். இதற்காக சேரன், வசந்தபாலன், மிஷ்கின், கவுதம்மேனன், பாலாஜி சக்திவேல் உள்ளிட்ட முக்கியமான இயக்குனர்களின் லிஸ்ட்டை தயார் செய்து கொடுத்தார்கள் இங்குள்ள சிலர். இவர்கள் இயக்கிய படங்களை பார்க்க வேண்டுமே என்று கேட்டது மேற்படி குழு. அதற்கென்ன? ஏற்பாடு பண்ணிட்டாப் போச்சு என்று கூறிய மீடியேட்டர்கள் முதல் படமாக அவர்களுக்கு காண்பித்தது எதை தெரியுமா? கவுதம் மேனன் இயக்கிய நடுநிசி நாய்களை. இந்தியாவின் கலாச்சாரத்தை சொல்கிற இயக்குனர்களை தேடி தான் நாங்கள் இங்கு வந்தோம். ஆனால் இப்படி ஒரு படத்தை போட்டு எங்களை தடுமாற வச்சிட்டீங்களே என்று முகம் சுளித்த டீம், அடுத்தடுத்த படங்களை கூட பார்க்காமல் எஸ்கேப்... சாதுவா இருக்கேன்னு அவுத்துவிட்டாலும் தப்பு, சண்டித்தனம் பண்ணுதேன்னு கட்டிப் போட்டாலும் தப்பு. என்னடா இப்படி ஆயிருச்சேன்னு கவலையோடு நகம் கடிக்குது மீடியேட்டர் வட்டாரம்.

ராணாவில் நடிக்க நடிகைகள் மறுப்பு.

ரஜினியின் ராணா படத்தில் நடந்துவரும் மாற்றங்களைப் பார்த்தால் யாருக்கும் ஆச்சரியம் வரும். ரஜினி படத்தில் நடித்தாலே போதும் என்றுதான் பெரும்பாலான நடிகைகள் நினைக்கிறார்கள். ஆனால் ராணாவில் நடந்து வருவதோ இதற்கு நேர் எதிர்.
முதலில் மாதுரி தீட்சித் ராணாவில் ரஜினி ஜோடியாக நடிக்க வந்த வாய்ப்பை மறுத்தார். மனம் தளராமல் ரேகாவை ஒப்பந்தம் செய்தனர். அவரும் இப்போது நோ சொல்லியிருக்கிறார். சும்மா வீட்டில் இருக்கும் அவரை நடிக்க அழைத்தால் நாலு விரலை காட்டுகிறாராம். அதாவது ராணாவில் நடிக்க நான்கு கோடி வேண்டுமாம். படத்தை தயாரிக்கும் ஆக்கர் ஸ்டுடியோவை பொறுத்தவரை நாற்பது லட்சமே அதிகம். முடியாது என்று சொல்ல, அப்போ நானும் நடிக்க முடியாது என தூசி தட்டி கிளம்பிவிட்டார் ரேகா.
மாதுரி, ரேகா வரிசையில் இருக்கும் மற்றொரு அம்மா நடிகை ஹேமமாலினி. இவரைதான் அடுத்து அப்ரோச் செய்திருக்கிறார்கள்.
இதனிடையில் படத்தின் ஸ்கிரிப்டை கேட்டிருக்கிறார் வித்யா பாலன். கே.எஸ்.ரவிக்குமாரிடம் ஏது ஸ்கிரிப்ட்? முழுசா முடிச்சப்புறம் தர்றோம் என்றிருக்கிறார்கள். இதனால் வித்யா பாலன் நடிப்பதும் கேள்விக்குறிதான் என்கிறார்கள்.

அனுஷ்கா பக்கம் சாயும் சிம்பு.

சிம்பு - அனுஷ்கா ஜோடி நடித்துள்ள வானம் பட இசை வெளியீட்டு விழாவில் அனுஷ்காவை புகழ்ந்து தள்ளினார் நடிகர் சிம்பு.
அவ்வப்போது சர்ச்சையில் சிக்கிக் கொள்ளும் சிம்பு தற்போது வானம் படத்தில் நாயகனாக நடித்ததோடு மட்டுமல்லாமல் எவன்டி உன்னப் பெத்தான்... எனத் தொடங்கி தொடரும் ஒரு பாடலை எழுதி சர்ச்சையில் சிக்கியுள்ளார்.
இது ஒருபுறம் இருக்க தடபுடலாக இசை வெளியீட்டு விழாவை நடத்தி முடித்திருக்கிறார் சிம்பு. இசை வெளியீட்டு விழாவில் வானத்தை வெளியிடும் கிளவுட் நைன் மூவிஸ் தயாநிதி அழகிரி, சிம்பு, அனுஷ்கா, தயாரிப்பாளர்கள் வி.டி.வி.கணேஷ், ஆர்.கணேஷ், பரத், சோனியா அகர்வால், சரண்யா, இசையமைப்பாளர் யுவன் சங்கர் ராஜா, டைரக்டர் வெற்றிமாறன், வானம் டைரக்டர் கிரிஷ் உள்ளிட்டோர் கலந்து கொண்டனர்.
நிகழ்ச்சியில் பேசிய சிம்பு அனுஷ்காவை புகழோ புகழென்று புகழ்ந்து தள்ளினார். இந்த படத்தின் டைரக்டர் கிரிஷ் 10 கவுதம் மேனன், 20 பாலாவுக்கு சமம். ஏனென்றால் அவரை சிபாரிசு செய்தவர் அனுஷ்கா. இந்த படத்தில் நடித்ததற்காக பெருமைப்படுகிறேன். தெலுங்கில் வெளியான வேதம் படத்தின் ரீ-மேக்தான் வானம்.
தெலுங்கில் நாயகியாக அனுஷ்காதான் நடித்திருந்தார். கிரிஷ் இயக்கியிருந்தார். படத்தை தமிழில் எடுக்க முடிவு செய்ததுமே கதாநாயகியாக அனுஷ்காவையே நடிக்க வைக்க முடிவு செய்தோம். அனுஷ்கா சிபாரிசின் பேரில் நானும், தயாரிப்பாளர் கணேசும் டைரக்டர் கிரிஷை அழைத்து பேசினோம். 10 நிமிடங்கள்தான் பேசினோம். அந்த பத்து நிமிடமும் வேதம் படத்தில் அவர் செய்த தவறுகளை மட்டுமே பேசினார்.
அந்த கதையில் எந்த அளவுக்கு அவருக்கு ஈடுபாடு இருந்தால், செய்த தவறுகளை சுட்டிக்காட்டுவார் என்று கருதி, அவரையே டைரக்டராக ஒப்பந்தம் செய்தோம், என்று கூறியதுடன், அனுஷ்கா நல்ல நடிகை, சூட்டிங் நேரத்தில் முழு ஈடுபாட்டுடன் செயல்பட்டார், என்றும் கூறினார் சிம்பு.

கார்த்திகாவிற்கு திருமண ஏற்பாடு.

தூத்துக்குடி, ராமன் தேடிய சீதை, மதுரை சம்பவம் உள்ளிட்ட பல படங்களில் நடித்தவர் நடிகை கார்த்திகா. தூத்துக்குடி படத்தில் வந்த "கருவாப் பையா..." பாடல் மூலம் பட்டி, தொட்டியெல்லாம் பேசப்பட்டவர். தனது சுட்டி தனமான நடிப்பாலும், அழகிய முகத்தாலும் இளைஞர்க‌ளால் வசிகரீக்கப்பட்ட கார்த்திகாவுக்கு விரைவில் திருமணம் நடைபெற இருக்கிறது.
இதுகுறித்து அவரது தாயார் மாலினி கூறியதாவது, கார்த்திகாவை தேடி நிறைய பட வாய்ப்புகள் வருகின்றன. ஆனால் ஒரு படமும் சொல்லிக் கொள்ளும்படியாக அமையவில்லை. இதனால் அனைத்து படங்களையும் வேண்டாம் என்று சொல்லிவிட்டார் கார்த்திகா. தற்போது அவருக்கு திருமணம் செய்யலாம் என்று எண்ணியுள்ளோம். இதுகுறித்து குடும்பத்தில் ஆலோசித்து வருகிறோம். அநேகமாக இந்த ஆண்டிற்குள் அவருக்கு திருமணம் முடிந்துவிடும். விரைவில் கார்த்திகாவின் திருமண அறிவிப்பு வெளியிடப்படும். என்றார்.

நடனம் கற்கும் சுருதி கமல்.

நடிகை, பாடகி, இசையமைப்பாளர் என ஸ்ருதி ஹாசனுக்கு பல முகங்கள். மறந்துவிட்டோமே… ஆங்கிலத்தில் கவிதைகூட எழுதுவாராம். கலைகளை கற்றுக் கொள்வதில் இவர் இன்னொரு கமல்.
ஸ்ருதிக்கு நடனம் தெ‌ரிந்தாலும் சாஸ்தி‌ரிய நடனத்தில் அத்தனை பழக்கமில்லை. தற்போது ஒத்துக் கொண்டிருக்கும் படத்தில் குச்சுப்புடி நடனம் ஆட வேண்டும். ஷூட்டிங்கில் பார்த்துக் கொள்ளலாம் என்று கேஷுவலாக இருக்காமல் சீ‌ரியஸாக நடனம் கற்று வருகிறார்.
கமல் மகளல்லவா.

இலியானாவுக்கு ரூ.1.5கோடி சம்பளம்!

த்ரிஷா, நயன்தாரா உள்ளிட்ட தென்னிந்திய நடிகைகளை மிஞ்சிவிட்டார் நடிகை இலியானா. ஷங்கர் இயக்கத்தில், விஜய்க்கு ஜோடியாக நண்பன் படத்தில் நடித்து வரும் இலியானாவுக்கு ரூ.1.5கோடி சம்பளம் தர ஒப்புக்கொள்ளப்பட்டுள்ளதாம். இதுவரை வேறு எந்தவொரு நடிகையும் இந்த சம்பளத்தை வாங்கியதில்லையாம்.
இந்தியில் வெளியாகி சூப்பர் ஹிட்டான "3-இடியட்ஸ்" படம் தமிழில் "நண்பன்" என்ற பெயரில் உருவாகி வருகிறது. இப்படத்தை டைரக்டர் ஷங்கர் இயக்கி வருகிறார். இதில் ஹீரோக்களாக விஜய், ஸ்ரீகாந்த், ஜீவா ஆகிய மூன்று பேர் நடித்து வருகின்றனர். படத்தில் விஜய்க்கு ஜோடியாக இலியானா நடித்து வருகிறார். இப்படத்தில் இவர் ரூ.2கோடி ‌வரை சம்பளம் கேட்டு இருந்தார். ஆனால் ரூ.50லட்சத்தை குறைத்து ரூ.1.5 கோடி சம்பளம் தர ஒப்புக்கொண்டுள்ளனர். இலியானாவுக்கு அளிக்கப்பட்ட இந்த சம்பளம் தென்னிந்திய சினிமாவில் வேறு எந்தவொறு நடிகையும் வாங்கியதில்லை என்பது குறிப்பிடத்தக்கது.
இதனிடையே தெலுங்கில் முன்னணி தயாரிப்பாளர் ஒருவர், தன்னுடைய அடுத்த படத்தில் இலியானாவுக்கு ரூ.1.75கோடி வரை தருவதாக கூறியுள்ளார். அதேபோல் இந்தியிலும் அடுத்து நடிக்க இருக்கிறார் இலியானா. இதில் தன்னுடைய சம்பளத்தை ரூ.2கோடியாக உயர்த்த திட்டமிட்டுள்ளார்.

மோனிகா எனக்கு நல்ல தோழி!

தெலுங்கு, கன்னட படங்களில் நடிக்க ஆர்வம் காட்டும் ஓவியா தமிழில் டைரக்டர் ராசு மதுரவன் இயக்கும் 'முத்துக்கு முத்தாக' படத்தில் நடித்துள்ளார்.
இந்த படத்தில் பாஸ்கட் பிளேயராக ஓவியா வருகிறார். திண்டுக்கல் பக்கம் கனவு பாடல்காட்சியை படமாக்கும் போது ஓவியாவுக்கு உடம்பு முடியாமல் போனதாம்.
அதற்கும் மீறி தொடர்ந்து காட்சியில் நடிக்க முயன்றாராம். பதறிய படக்குழு உரிய சிகிச்சை வழங்கிய பிறகு, ஓவியாவை நடிக்க வைத்தார்களாம்.
இளம் நாயகன் ஹரீஸ் உடன் ஓவியா இணைந்து நடித்துள்ளார். நட்சத்திர பட்டாளத்தை வைத்து படத்தின் காட்சிகளை இயக்கும் போது, உணர்ச்சி வசப்பட்டு கோபத்தில் காச் மூச்னு கத்தாமல் டைரக்டர் படமாக்கியதையும் ஓவி சொல்லியிருக்கிறாராம்.
அவசரப்பட்டு பட்டு, படங்களில் 'கமிட்'டாகாமல், நிதானித்து படங்களை ஓவியா ஒப்புக்கொள்கிறார். செட்டில் மோனிகா-ஓவியா மோதிக்கொண்டதாக கோலிவுட்டில் தகவல் பரவியது.
'இரண்டு நடிகைகள் ஒரு படத்தில் நடிக்குபோது உரசல் உண்டாகும் என்று எதிர்பார்த்தவர்கள் ஏமாற்றம் அடைந்துள்ளார்கள். மோனிகா எனக்கு நல்ல தோழியாக இருக்கிறார். படத்தில் நடிப்பவர்களிடமும் மோனிகா அன்பாக பழுகுகிறவர்' என்கிறார் ஓவியா.

ஜெனிலியாவை தூக்கி வந்த நடிகர்!

நட்சத்திர கிரிக்கெட்டின் விளம்பர தூதராக ஜெனிலியா இருந்தார். போட்டி தொடங்கியது முதல், இந்தி நடிகர்களை உற்சாகப்படுத்தும் விதத்தில் ஜெனிலியா நடனம் ஆடிக்கொண்டே இருந்தார்.
அப்போது யாரும் எதிர்பாராத நேரத்தில் தெலுங்கு நடிகர் மனோஜ், திடீரென ஜெனிலியாவை அலக்காக தூக்கி தமிழ் நடிகர்கள் இருந்த இடத்திற்கு தூக்கி வந்தார். அப்போது ஜெனிலியா அணிந்திருந்த ஆடைகள் அலங்கோலமாக, காட்சியளிக்க மனோஜை ஆத்திரத்தில் திட்டி தீர்த்தார் ஜெனிலியா.
இவ்வளவு நடந்தும் இதெல்லாம் சகஜமப்பா என்பதுபோல சர்வசாதாரணமாக சிரித்துக்கொண்டிருந்தார் மனோஜ். இவர் ரஜினியின் நெருங்கிய நண்பரான நடிகர் மோகன்பாபுவின் மகன் என்பது குறிப்பிடத்தக்கது.

முமைத் நடத்தும் நிறுவனம்.

தமிழ், தெலுங்கு என தென்னிந்திய மொழிகளில் ஆடைக் குறைப்பில் புதுப் புரட்சியே செய்தவர் முமைத் கான்.
இப்போதும் நிறைய தெலுங்குப் படங்களில் அதிரடி - குத்தாட்ட நாயகியாக நடித்து வருகிறார்.
கூடவே, நடிப்புக்கு அப்பால் தனது கேரியரை உறுதிப்படுத்திக் கொள்ளும் வேலைகளிலும் தீவிரமாக இறங்கியுள்ளார். ஈவன்ட் மேனேஜ்மென்ட் நிறுவனம் ஒன்றைத் துவங்கியுள்ள முமைத், திரைப்பட விழாக்கள், பெரிய நிறுவனங்களின் நிகழ்ச்சிகளை அந்த நிறுவனம் மூலம் நடத்துகிறார்.
அடுத்து திரைப்பட தயாரிப்பிலும் குதிக்கிறாராம் முமைத். இதுகுறித்து அவர் கூறுகையில், "தமிழ், தெலுங்கில் நிறைய நடித்துவிட்டேன். பாலிவுட்டில் நுழைய விரும்பினேன். அதுவும் நடந்துவிட்டது. சுனில் ஷெட்டியுடன் ஒரு படம் செய்துள்ளேன்.
அடுத்து படத் தயாரிப்புதான். நல்ல படங்களைத் தயாரிக்க விரும்புகிறேன். இதற்காக சுகர் கேண்டி என்ற பெயரில் ஒரு நிறுவனத்தையும் ஆரம்பித்துள்ளேன்," என்றார்.

அமிதாப்பின் ஜோடியாகிறார் ஸ்ரீதேவி!

ஸ்ரீதேவி,இவர் “16 வயதினிலே”, “மூன்றாம் பிறை” “சிகப்பு ரோஜாக்கள்”, “மூன்று முடிச்சு”, “பிரியா” உள்பட பல ஹிட் படங்களில் நடித்துள்ளார். இந்தியிலும் பெரிய ஹீரோக்களுடன் ஜோடி சேர்ந்து கனவு கன்னியாக திகழ்ந்தார்.
பின்னர் இந்தி தயாரிப்பாளர் போனிகபூரை மணந்து சினிமாவுக்கு முழுக்கு போட்டார். நிறைய பட வாய்ப்புகள் வந்தும் நடிக்கவில்லை.
நீண்ட இடைவெளிக்கு பிறகு அமிதாப்பச்சன் ஜோடியாக புதுப்பட மொன்றில் நடிக்க சம்மதித்துள்ளார். இந்த படத்தை அமிதாப்பை வைத்து “சீனிகம்” “பா” போன்ற ஹிட் படங்களை எடுத்த இயக்குனர் பல்கி தயாரிக்கிறார். அவரது மனைவி கவுரி ஷிண்டே இயக்குகிறார். ஸ்ரீதேவி குடும்பபாங்கான கேரக்டரில் நடிக்கிறார்.

திரிஷாவின் திருமணம்!

த்ரிஷா கல்யாணம் குறித்து நாளும் ஒரு செய்திகள் வந்த வண்ணம் உள்ளன. அவரும் தினம்தோறும் ஒரு மறுப்பு அல்லது விளக்கம் கொடுத்து வருகிறார்.
இப்போது, அவரது திருமணம் குறித்து இன்னுமொரு செய்தி வெளிவந்துள்ளது, ஆந்திர இணைய தளம் மற்றும் பத்திரிகைகளில்.
த்ரிஷாவுக்கும் ஆந்திராவைச் சேர்ந்த தொழிலதிபர் ஒருவருக்கும் நிச்சயதார்த்தம் முடிந்துவிட்டதாகவும், திருமணம் மட்டும் இந்த ஆண்டு இல்லை என்றும் அந்தச் செய்தியில் தெரிவிக்கப்பட்டுள்ளது.
சில தினங்களுக்கு முன்புதான், தனக்கு திருமணம் மற்றும் குழந்தை இருப்பதாகவும் செய்தி போடுகிறார்களே, என்று வருத்தத்துடன் விளக்கம் தெரிவித்திருந்தார் த்ரிஷா.
இதுகுறித்து விசாரித்தபோது, "த்ரிஷாவுக்கு நிச்சயமானதாக கூறப்படுவது வதந்தியல்ல. இதனை அவரது அம்மாவே தனிப்பட்ட முறையில் கூறியுள்ளார். ஆனால் இதனை செய்தியாக்குவதன் மூலம் த்ரிஷாவின் வாய்ப்புகள் குறையக் காரணமாக இருக்க வேண்டாம் என்று கேட்டுக் கொண்டார். இதுதான் உண்மை" என்றார் மூத்த பத்திரிகையாளர் ஒருவர்.
என்னமோ...நல்லாருந்தா சரி!

நல்ல கதைக்காக காத்திருக்கிறேன்!

நிறைய படவாய்ப்புகள் வந்து கொண்டுதான் இருக்கிருது, ஆனால் நல்ல வலுவான கேரக்டர் ஏதும் அமையாததால் வரும் படங்கள் அனைத்தையும் புறக்கணிக்கிறேன் என்கிறார் நடிகை பத்ம ப்ரியா.
பட்டியல், மிருகம், பொக்கிஷம் உள்ளிட்ட பல படங்களில் நடித்தவர் நடிகை பத்மப்ரியா. தமிழ், தெலுங்கு, மலையாளம் என தென் இந்தியா சினிமாவை ஒரு ரவுண்ட் வந்துவிட்டார். ஆனால் எந்த மொழியிலும் அவரால் நிலைத்து நிற்க முடியவில்லை. ஆரம்பத்தில் ஹோம்லி பெண்ணாக வந்த பத்மப்ரியா, பின்னர் கவர்ச்சியாகவும் நடிக்க ஆரம்பித்தார். ஆனாலும் அவரால் முன்னணி நாயகியாக ஜொலிக்க முடியவில்லை. தற்போது தமிழில் எந்த படவாய்ப்பும் கிடைக்கவில்லை. இதற்கு காரணம் ஒரு நல்ல வலுவான கேரக்டருக்காக காத்திருப்பதாக கூறுகிறார் பத்மப்ரியா.
இதுகுறித்து அவர் கூறியதாவது, தமிழில் நிறைய படவாய்ப்புகள் வந்து கொண்டு தான் இருக்கிறது. ஆனால் நான் தான் அவற்றை தவிர்த்து வருகிறேன். இதற்கு காரணம் நல்ல வலுவான கேரக்டர் அமையாதது தான். நல்ல வலுவான கேரக்டர் அமைந்தால் நிச்சயம் நடிப்பேன் என்கிறார்.

இந்தியில் மாதவனுக்கு ஜோடியாகிறார் அனன்யா!

ஜெனிலியா, அனுஷ்கா வரிசையில் இப்போது இந்தியி்ல அடியெடுத்து வைக்கிறார் நடிகை அனன்யா.
மலையாள நடிகையான இவர், சசிக்குமாரின் நாடோடிகள் படத்தின் மூலம் தமிழில் அறிமுகமானவர். சமீபத்தில் தனுஷூடன் இவர் நடித்த சீடன் வெளியாகியுள்ளது.
மலையாளத்திலும் ஏராளமான படங்களில் நடித்துள்ளார். தமிழ், மலையாளம் என இரண்டு மொழியிலும் கைநிறையப் படங்கள் வைத்துள்ள அனன்யா, இப்போது இந்தி திரையுலகிலும் கால்பதிக்கிறார். இந்தியில் மாதவனுடன் சேர்ந்து ஒரு படம் நடிக்கிறார். இதற்காக அவர் இந்தியும் கற்று வருகிறார்.
பாலிவுட்டுக்குப் போவது குறித்து அனன்யா கூறுகையில், "இந்தியில் நடிப்பது சந்தோஷமாக இருக்கிறது. அதுவும் மாதவனுடன் இணைந்து நடிப்பது கூடுதல் சந்தோஷத்தை கொடுக்கிறது. இந்தியில் நடிப்பதற்காக அந்த மொழியைக் கற்று வருகிறேன்.
ஏற்கனவே இந்தி கொஞ்சம், கொஞ்சம் தெரியும், இப்போது அதனை முழுமையாக கற்று வருகிறேன். இந்தியில் நடித்தாலும் தமிழ் மற்றும் மலையாளம் உள்ளிட்ட தென்னிந்திய மொழி படங்களில் தொடர்ந்து நடிப்பேன்", என்றார்.

கமலுடன் ஜோடி சேரவிரும்பும் ரீமா!

உலக நாயகன் கமலஹாசன் ஜோடியாக நடிக்க ஆசையாக இருக்கிறது. இந்நாள் வரை அது நிறைவேறவில்லை என்று தனது ஏக்கத்தை வெளிப்படுத்தியுள்ளார் ரீமாசென்.
இது குறித்து அவர் கூறியதாவது,
எனக்கு நிச்சயதார்த்தம் முடிந்துவிட்டது என்றும், விரைவில் திருமணம் என்றும் செய்திகள் வந்துள்ளன. அவை எல்லாம் வெறும் வதந்தி தான். நிச்சயதார்த்தம் எல்லாம் நடக்கவில்லை. நான் உடனடியாக திருமணம் செய்து கொள்ளமாட்டேன்.
என்னைப் பற்றி இதுபோன்ற வதந்திகள் பரவுவது இது இரண்டாவது முறையாகும். ஷிவ்கரன் சிங்குடன் என்னை இணைத்துப் பேசுகின்றனர். அவர் என் நண்பர்களுக்கும் மேலானவர். அவர் என் வாழ்க்கையில் வந்ததை நான் மறுக்கவில்லை.
எனக்கு யாருடன் நிச்சயதார்த்தம் நடந்தாலும் கண்டிப்பாக கூறுவேன். பத்மஸ்ரீ கமலஹாசனுடன் ஜோடி சேர்ந்து நடிக்க ஆசையாக இருக்கிறது. ஆனால் அந்த ஆசை இந்நாள் வரை நிறைவேறவே இல்லை என்றார்.