பிரபல ஹாலிவுட் நடிகை ஜூலியா ராபர்ட்ஸ், இந்து மதத்துக்கு மாறுகிறார். ஹாலிவுட்டின் பெண் சூப்பர் ஸ்டார் ஜூலியா ராபர்ட்ஸ். இவருக்கு உலகம் முழுவதும் ஏராளமான ரசிகர்கள் உள்ளனர். படுபிஸியாக இருக்கும் ஜூலியா, தனது குடும்பத்தோடு இந்து மதத்துக்கு மாற முடிவு செய்துள்ளார். அடுத்த பிறவியில் அமைதியான வாழ்வு வேண்டும் என்பதற்காக இந்த முடிவாம். தற்போது 42 வயதாகும் ஜூலியா, கத்தோலிக்க பெற்றோருக்கு பிறந்தவர். சமீபத்தில் இவர் நடித்த ‘ஈட் பிரே லவ்’ என்ற படத்தின் ஷூட்டிங் இந்தியாவில் நடந்தது. எலிசபெத் கில்பெர்டின் பிரபலமான நாவலை அடிப்படையாக வைத்து தயாரான இந்தப் படத்தில், விவாகரத்தான பெண் கேரக்டரில் ஜூலியா நடிக்கிறார். படத்தில், அவர் உலகம் முழுவதும் சுற்றி வருவார். ஆன்மீகத்தை தேடி இந்தியா வரும்போது காதல் வயப்படுவது போல காட்சிகள் படமாக்கப்பட்டன. இந்தியா வந்திருந்தபோது, இந்து மதத்தின் பெருமைகளையும், பாரம்பரியத்தையும் பற்றி தெரிந்துகொண்ட ஜூலியா, அதில் வெகுவாக ஈர்க்கப்பட்டு இந்துவாக மாறியுள்ளார். இப்போதெல்லாம் கணவர் டேனியல் மோடர் மற்றும் மூன்று குழந்தைகளுடன் இந்து கோயில்களுக்கு படையெடுக்கத் தொடங்கிவிட்டார். “என் வாழ்க்கையில் நண்பர்களோடும், குடும்பத்தோடும் பிஸியாகவே இருந்துவிட்டேன். அடுத்த பிறவியிலாவது அமைதியான வாழ்க்கை வாழ விரும்புகிறேன். அதற்காகத்தான் இந்து மதத்தில் என்னை முழுமையாக ஈடுபடுத்தி வருகிறேன்” என்று நெகிழ்கிறார் ஜூலியா. இவர் யோகா கலையிலும் வல்லவர் என்பது கூடுதல் டிப்ஸ். தனது சொந்த படக் கம்பெனிக்குகூட ‘ரெட் ஓம் பிலிம்ஸ்’ என்றுதான் பெயர் வைத்துள்ளார். அவர் இந்துவாக மாறி இருப்பதை அமெரிக்கா மற்றும் பிரிட்டனை சேர்ந்த இந்து தலைவர்கள் வரவேற்றுள்ளனர். ஜூலியாவின் இந்த முடிவு, தனது படத்தை பப்ளிசிட்டி செய்யும் நோக்கத்தோடு எடுக்கப்பட்டதல்ல என்று அவரது தரப்பினர் தெளிவுபடுத்தியுள்ளனர்.
கருத்துகள் இல்லை:
கருத்துரையிடுக